Təlimə 196 nəfər və 42 texnika cəlb olunub
Elpress.az xəbər verir ki, İmişli rayonunda irimiqyaslı fövqəladə hadisələrin nəticələrinin aradan qaldırılması zamanı mülki müdafiə orqanları və qüvvələrinin idarə olunmasına həsr olunan kompleks təlim keçirilib.Təlim Fövqəladə Hallar Nazirliyinin Muğan Regional Mərkəzinin təşkilatçılığı ilə baş tutub. Tədbirdə FHN-in aidiyyəti qurumlarının, rayonun hüquq-mühafizə orqanlarının, yerli icra hakimiyyətinin, idarə və müəssisələrin nümayəndələri, həmçinin mülki müdafiə xidmətləri və dəstələrinin əməkdaşları iştirak ediblər.Təlimdən əvvəl qərargahda müşavirə keçirilib. Çıxışlarda fövqəladə hallar zamanı qurumlar arasında koordinasiyanın, düzgün idarəetmənin və birgə fəaliyyətin əhəmiyyəti vurğulanıb.Kompleks təlimin əsas məqsədi fövqəladə hallar zamanı əhalinin və ərazilərin mühafizəsinin təşkili, mülki müdafiə qüvvələrinin idarə olunması, operativ qərarların qəbul edilməsi və xilasetmə işlərinin həyata keçirilməsi üzrə şəxsi heyətin praktiki bacarıqlarının artırılması olub.Təlim çərçivəsində fövqəladə hadisə barədə rayon rəhbərliyinin, Fövqəladə Hallar Komissiyasının və mülki müdafiə idarəetmə orqanlarının məlumatlandırılması, qüvvələrin yüksək hazırlıq vəziyyətinə gətirilməsi, xəbərdarlıq siqnalı üzrə fəaliyyət, ərazidə kəşfiyyatın aparılması, məlumatların toplanması və təhlili, qəza-xilasetmə və digər təxirəsalınmaz tədbirlərin icrası məşq etdirilib.Təlim zamanı həmçinin FHN qüvvələri ilə hərbiləşdirilməmiş mülki müdafiə dəstələri arasında qarşılıqlı fəaliyyətin, əməliyyat qərargahının işinin və təhlükəsizlik qaydalarına riayət olunmasının təşkili üzrə praktiki fəaliyyətlər həyata keçirilib.Tədbirə ümumilikdə 196 nəfər şəxsi heyət və 42 ədəd texnika cəlb olunub. Təlim zamanı qarşıya qoyulan tapşırıqlar yerinə yetirilib və aidiyyəti qüvvələrin qarşılıqlı fəaliyyəti təmin olunub.
