Aysel Əlibəyli
01 Avqust 2026 · 14:17
1074 baxış
Sabah ölkənin bəzi bölgələrində temperatur 39°-yə yüksələcək
Elpress.az xəbər verir ki, Sabah Azərbaycanda əsasən isti və yağmursuz hava şəraiti hökm sürəcək.Bakıda və Abşeron yarımadasında havanın açıq keçəcəyi, mülayim şimal-qərb küləyinin əsəcəyi gözlənilir. Paytaxt və ətraf ərazilərdə gecə temperaturu 23-26°, gündüz isə 29-34° isti olacaq.Ölkənin rayonlarında da əsasən yağmursuz hava müşahidə ediləcək. Bununla yanaşı, gün ərzində bəzi dağlıq ərazilərdə qısamüddətli yağış yağması və şimşək çaxması mümkündür. Gecə və səhər saatlarında dağlıq ərazilərdə duman müşahidə oluna bilər.Rayonlarda temperatur gecə 22-26°, gündüz 34-39° isti təşkil edəcək. Dağlıq ərazilərdə isə gecə 15-20°, gündüz 23-28° isti olacaq.
