İyunun 5-də 8 dövlət orqanı üzrə inzibati vəzifələrin 2–4-cü təsnifatlarına uyğun 16 vakansiyanın tutulması məqsədilə daxili müsahibə elan edilib.
İyunun 5-də 8 dövlət orqanı üzrə inzibati vəzifələrin 2–4-cü təsnifatlarına uyğun ümumilikdə 16 vakansiyanın tutulması məqsədilə daxili müsahibə elan olunub. Müsahibəyə çıxarılan vəzifələrdən 4-ü ikinci, 11-i üçüncü, 1-i isə dördüncü təsnifata aiddir. Ən yüksək vəzifə isə Maliyyə Nazirliyi yanında Dövlət Müəssisələrinin Monitorinqi Agentliyinin direktoru vəzifəsidir.Qanunvericiliyin tələblərinə uyğun olaraq, müsahibə üzrə sənəd qəbulu yalnız elektron qaydada həyata keçiriləcək. Bu yanaşma vətəndaşların prosesə daha rahat çıxışını təmin etməklə yanaşı, vaxt itkisini və əlavə maliyyə xərclərini minimuma endirməyə, eyni zamanda Dövlət İmtahan Mərkəzi tərəfindən göstərilən xidmətlərin daha operativ və əlçatan olmasına şərait yaradır.Daxili müsahibədə yalnız vəzifənin tutulması üçün müəyyən edilmiş tələblərə cavab verən Azərbaycan Respublikasının vətəndaşları iştirak hüququ qazanır. Namizədlər iyunun 5-dən 19-dək saat 18:00-dək Dövlət İmtahan Mərkəzinin rəsmi internet portalına daxil olaraq “Dövlət qulluğu üzrə müraciət Forması”nı elektron qaydada doldurmaqla qeydiyyatdan keçməlidirlər.
