Aysel Əlibəyli
07 Avqust 2026 · 09:00
1066 baxış
Dövlət Statistika Komitəsinin hesabatı: Əhalinin böyük hissəsi artıq çəki və piylənmədən əziyyət çəkir
Elpress.az xəbər verir ki, Azərbaycanda 15 yaşdan yuxarı əhalinin 48,2%-i artıq çəkili, 10%-i isə piylənmədən əziyyət çəkir. Normal bədən kütlə indeksinə malik olanların payı 40,4%, normadan az çəkisi olanlar isə 1,4% təşkil edir.
Statistika göstərir ki, yaş artdıqca bu problem daha da dərinləşir; 65 yaşdan yuxarı şəxslər arasında artıq çəkili olanların payı 61%-ə çatır. Kişilərin 53,7%-i, qadınların isə 43,2%-i artıq çəkilidir. Ölkə üzrə 15 yaşdan yuxarı əhalinin orta çəkisi 69,7 kq, orta boyu isə 167,5 sm-dir.
