Elpress.az xəbər verir ki, Venesuelada baş verən dağıdıcı zəlzələdən sonra axtarış-xilasetmə əməliyyatları fasiləsiz davam edir.
Son məlumata görə, xilasedicilər dağıntılar altından 33 nəfəri sağ çıxarmağa müvəffəq olublar.Bu barədə Delsi Rodriges məlumat verib. O bildirib ki, hazırda insanların həyatının xilas edilməsi baxımından ən kritik saatlar yaşanır və bütün qüvvələr sağ qalanların tapılmasına səfərbər olunub.”Bu günə qədər 33 nəfəri sağ xilas edə bilmişik. Hazırda hər bir dəqiqə böyük əhəmiyyət daşıyır və biz dağıntılar altında qalan insanların tapılması üçün dua edirik”, – deyə o vurğulayıb.Delsi Rodriges həmçinin beynəlxalq xilasetmə qruplarına və Venesuelaya göndərilən xüsusi təlim keçmiş axtarış itlərinə təşəkkürünü ifadə edib. Onun sözlərinə görə, xaricdən gələn hər bir yardım ölkə üçün yeni ümid deməkdir.Qeyd edək ki, Venesuelada baş verən güclü zəlzələ geniş dağıntılara səbəb olub. Bir sıra yaşayış məntəqələri ciddi zərər görüb, ölən və yaralananların sayının artacağından ehtiyat edilir. Axtarış-xilasetmə əməliyyatları isə fasiləsiz şəkildə davam etdirilir.
