Hakan Fidan: Türkiyə Ukrayna üçün nəzərdə tutulan təhlükəsizlik zəmanətlərinin dəniz komponentini koordinasiya edəcək
Elpress.az xəbər verir ki , Türkiyənin xarici işlər naziri Hakan Fidan Ukraynanın gələcək təhlükəsizlik zəmanətləri ilə bağlı aparılan müzakirələrdə Ankaranın üzərinə düşəcək rol barədə ətraflı məlumat verib.Ukraynanın xarici işlər naziri Andrey Sibiqa ilə keçirdiyi birgə mətbuat konfransında çıxış edən Hakan Fidan bildirib ki, mümkün sülh sazişi çərçivəsində formalaşdırılması nəzərdə tutulan təhlükəsizlik zəmanətləri quru, hava və dəniz istiqamətlərini əhatə edir.Nazirin sözlərinə görə, Türkiyə bu mexanizmin hərbi-dəniz komponentinə rəhbərlik etməyə razılıq verib. O qeyd edib ki, bu məsələ ilə bağlı müttəfiq ölkələr arasında qarşılıqlı anlaşma əldə olunub və hazırda müvafiq hərbi-dəniz qüvvələri ilə koordinasiyalı şəkildə planlaşdırma işləri aparılır.Hakan Fidan vurğulayıb ki, təhlükəsizlik zəmanətlərinin həyata keçirilməsi mümkün sülh razılaşmasının əsas elementlərindən biri hesab olunur və bu istiqamətdə beynəlxalq tərəfdaşlarla əməkdaşlıq davam etdirilir.
