İranın qərbində yerləşən Kirmanşah əyalətində silahlı hücum nəticəsində iki nəfər həyatını itirib.
Elpress.az xəbər verir ki, Məlumata görə, hadisə əyalətin Pave şəhərində qeydə alınıb. İslam İnqilabı Keşikçiləri Korpusunun yerli komandanlığı bildirib ki, terrorçu qruplaşmanın üzvləri tərəfindən həyata keçirilən silahlı hücum nəticəsində qurumun iki əməkdaşı həlak olub, daha iki nəfər isə müxtəlif dərəcəli xəsarətlər alıb.
Hazırda hadisənin bütün təfərrüatlarının müəyyənləşdirilməsi, həmçinin hücumu törədən şəxslərin kimliyinin dəqiqləşdirilərək saxlanılması istiqamətində əməliyyat-axtarış tədbirləri davam etdirilir.
Rəsmi qurumlar insidentlə bağlı əlavə məlumat verməyib. Hadisənin motivi və hücumun arxasında dayanan qruplaşma ilə bağlı araşdırmalar davam edir.
