Moskva İrəvana qaz tədarükünün dayandırılması ilə bağlı şərtlər irəli sürüb
Elpress.az xəbər verir ki, Rusiya noyabrın 1-dən Ermənistana təbii qaz tədarükünü tam dayandıra bilər.Məlumata görə, Moskva qazın verilişinin davam etdirilməsi üçün İrəvan qarşısında bir sıra şərtlər qoyub.Şərtlər arasında Gümrüdə yerləşən 102-ci Rusiya hərbi bazası ilə bağlı məsələnin gündəmdən çıxarılması da yer alır.Bundan başqa, Rusiyanın iştirakı olan şirkətlərə, o cümlədən dəmir yolu və “Qazprom”a qarşı müəyyən tədbirlərin dayandırılması tələb olunur.Məlumata əsasən, Moskva Ermənistanın Avropa İttifaqına üzvlük istiqamətində atdığı addımların da dayandırılmasını istəyir. Bunun üçün ya Aİ-yə üzvlük prosesinin başlanmasına dair qanunun ləğvi, ya da məsələ ilə bağlı referendum tarixinin müəyyənləşdirilməsi variantlarının irəli sürüldüyü bildirilir.Tələblər sırasında Rusiyanın mövqeyinə yaxın hesab edilən erməni siyasətçilərə qarşı təqiblərin dayandırılması və Ermənistan hökumətində Moskva üçün məqbul sayılan baş nazir müavininin təyin edilməsi də göstərilir.Məsələ ilə bağlı Ermənistan hökumət dairələrindən əlavə məlumat almaq cəhdlərinin nəticəsiz qaldığı, ölkənin Ərazi İdarəetmə və İnfrastruktur Nazirliyinin sorğuya cavab vermədiyi qeyd olunur.
