Aysel Əlibəyli
08 İyun 2026 · 19:28
1162 baxış
İsrail rəsmisi xəbərdarlıq edib ki, əgər “Hizbullah” İsrail ərazisinə hər hansı hücum həyata keçirərsə, bu addımın cavabı olaraq Beyruta qarşı ciddi və genişmiqyaslı zərbələrin endirilməsi ehtimalı gündəmə gələ bilər.
İsrailin müdafiə naziri İsrael Katz İranla əldə olunan atəşkəs barədə açıqlama verərkən bildirib ki, əgər “Hizbullah” tərəfindən İsrailin şimalındakı yaşayış məntəqələrinə hər hansı hücum və ya təxribat baş verərsə, bunun cavabı olaraq Beyrutun Dahiyə bölgəsinə də zərbələr endirilməsi istisna olunmur. Katz vurğulayıb ki, İsrail Müdafiə Qüvvələri (IDF) Livan ərazisində “Hizbullah” adlı təşkilata qarşı əməliyyatlarını davam etdirəcək və hər hansı təhlükə yarandığı halda sərt cavab tədbirləri görüləcək.
