Mark Rütte: Yeni maliyyələşmə Ukraynanın hava məkanının müdafiəsini gücləndirəcək
Elpress.az xəbər verir ki, NATO-nun Baş katibi Mark Rütte Avropa İttifaqına üzv ölkələrin Ukraynanın “Patriot” hava hücumundan müdafiə sistemləri üçün zəruri məhsulların alınmasına imkan verən xüsusi istisna ilə bağlı razılaşmasını alqışlayıb.Rütte bildirib ki, əldə olunan razılaşma Ukraynanın hava hücumlarından müdafiə imkanlarının gücləndirilməsi baxımından mühüm əhəmiyyət daşıyır. O, Avropa Komissiyasının Prezidenti Ursula fon der Lyayenlə birlikdə qərarı müsbət qiymətləndirdiyini qeyd edib.NATO rəhbərinin sözlərinə görə, Ukraynaya ayrılması nəzərdə tutulan əlavə 3,5 milyard dollarlıq maliyyə ölkənin hava məkanını Rusiyanın hücumlarından daha effektiv qorumasına şərait yaradacaq.Rütte həmçinin bildirib ki, son bir il ərzində NATO müttəfiqləri PURL təşəbbüsü və ABŞ-ın Xarici Hərbi Satışlar proqramı çərçivəsində Ukraynaya 10 milyard dollardan çox vəsait ayırıblar.Baş katib NATO və Aİ-nin Ukraynaya dəstəyin davam etdirilməsi istiqamətində əməkdaşlığı daha da gücləndirəcəyini vurğulayıb.
