Xaricdə işə düzəltmək vədi ilə şəxslərdən pul aldığı iddia edilən şəxsin məhkəməsi başlayır
Elpress.az xəbər verir ki, Turizm şirkətinin rəhbəri Tural Abbasovun xaricdə işə düzəltmək və digər vədlərlə çoxsaylı şəxsləri aldatdığı iddia olunur.Baş prokuror yanında Korrupsiyaya qarşı Mübarizə Baş İdarəsində aparılan ibtidai istintaq başa çatdırılıb. Araşdırma zamanı Tural Abbasovun özünü “Mannhaim Travel” MMC-nin direktoru kimi təqdim edərək müxtəlif şəxslərə xarici ölkələrdə iş təmin edəcəyini vəd etdiyi müəyyənləşdirilib.İstintaq materiallarına əsasən, o, bu və digər yalan vədlərlə şəxslərin müxtəlif məbləğlərdə pul vəsaitlərini dələduzluq yolu ilə ələ keçirib. Həmçinin rəsmi sənədlərin saxtalaşdırılması və saxta sənədlərdən istifadə edilməsi ilə bağlı əsaslı şübhələr müəyyən olunub.Toplanmış sübutlar əsasında Tural Abbasova Cinayət Məcəlləsinin külli miqdarda ziyan vurmaqla dələduzluq və rəsmi sənədlərin saxtalaşdırılması ilə bağlı maddələri üzrə ittiham irəli sürülüb. Onun barəsində polisin nəzarəti altına vermə qətimkan tədbiri seçilib.Cinayət işi üzrə müəyyən edilmiş maddi ziyanın bir hissəsinin ödənilməsi təmin olunub. İbtidai istintaq tamamlandıqdan sonra iş baxılması üçün Bakı Ağır Cinayətlər Məhkəməsinə göndərilib.
