Fon der Lyayen Seuta böhranından sonra Aİ-nin xarici sərhədlərinin sərtləşdirilməsinə çağırdı
Elpress.az xəbər verir ki, Avropa Komissiyasının sədri Ursula fon der Lyayen Seutada yaşanan kütləvi miqrasiya böhranından sonra Avropa İttifaqının (Aİ) xarici sərhədlərində nəzarətin kəskin şəkildə sərtləşdirilməsini və kritik ərazilərdə fiziki maneələrin (hasarların) qurulmasını təklif edib.İspaniyanın Baş naziri Pedro Sançesə ünvanlanan rəsmi məktubda sərhədlərin həm gücləndirilmiş monitorinq, həm də fiziki maneələr vasitəsilə qorunmasının vacibliyi vurğulanıb. Məsələ Aİ-yə üzv 22 ölkənin daxili işlər nazirlərinin keçirəcəyi videokonfransda müzakirə olunacaq. Toplantıda qanunsuz miqrasiya ilə mübarizə çərçivəsində Şengen zonasının daxili sərhədlərində də sənəd yoxlamalarının tətbiqi nəzərdən keçiriləcək.
