Zelenski: Rusiyanın atdığı 27 ballistik raketdən yalnız biri vurulub
Elpress.az xəbər verir ki, Ukrayna Prezidenti Vladimir Zelenski Rusiyanın ballistik raket hücumlarının qarşısının alınması üçün istifadə olunan “Patriot” sistemlərinə raket çatışmazlığının olduğunu bildirib.Zelenskinin sözlərinə görə, Rusiya gecə ərzində Ukraynaya 35 raket və 185 müxtəlif tipli zərbə dronu göndərib. Raketlərdən 27-nin ballistik olduğu qeyd edilib. Ukrayna tərəfi isə yalnız bir ballistik raketi vurmağa nail olub.Hücumların əsas hədəfinin Kiyev olduğu, həmçinin Dnepr, Sumı, Xarkov və Poltava bölgələrinin vurulduğu bildirilib. Kiyevdə yeddi rayonun zərər gördüyü, 18 yaşayış binası, məktəb, Litva səfirliyi və bir sıra infrastruktur obyektlərinə ziyan dəydiyi açıqlanıb.Zelenski hücum nəticəsində 9 nəfərin öldüyünü, onlarla insanın yaralandığını bildirib. O, Ukraynanın hava hücumundan müdafiə sistemləri üçün raket təminatının artırılmasının vacibliyini vurğulayıb.
