Peskov hərbi zavodda yanğının təşkilinə dair ittihamları ciddi qəbul etmədiklərini bildirib
Elpress.az xəbər verir ki, Kremlin sözçüsü Dmitri Peskov Estoniyanın Rusiyanın hərbi zavodda yanğın törətməsini təşkil etdiyi barədə ittihamlarını əsassız adlandırıb.Peskovun sözlərinə görə, sözügedən iddialar ciddi qəbul edilə bilməz.Qeyd edək ki, Estoniya 15 avqust gecəsi “Milrem Robotics” hərbi zavodunda baş verən yanğının təşkilində Rusiya xüsusi xidmət orqanlarının əli olduğunu iddia edib. Hadisə ilə bağlı aparılan istintaq çərçivəsində üç Latviya vətəndaşı saxlanılıb.Estoniya rəsmiləri yanğını təxribat kimi qiymətləndirərək, hadisənin Rusiyanın Avropadakı Qərb ölkələrini qorxutmaq və Ukraynaya dəstəyi zəiflətmək məqsədilə həyata keçirdiyi kampaniyanın tərkib hissəsi olduğunu bildiriblər.
