Trampdan diqqətçəkən açıqlama: Rusiya və Ukrayna sülhə yaxınlaşıb, məsələ NATO sammitində masaya yatırılacaq
Elpress.az xəbər verir ki, ABŞ Prezidenti Donald Tramp Ağ Evdə keçirdiyi brifinq zamanı Rusiya-Ukrayna müharibəsinin dayandırılması istiqamətində mühüm irəliləyişlərin əldə oluna biləcəyini bildirib. Onun sözlərinə görə, hazırkı mərhələdə həm Rusiya Prezidenti Vladimir Putin, həm də Ukrayna Prezidenti Volodimir Zelenski münaqişənin sona çatdırılmasında maraqlıdır.Tramp qeyd edib ki, aparılan danışıqlar müsbət istiqamətdə davam edir və vəziyyət insanların düşündüyündən daha ümidvericidir. O, Vladimir Putinlə baş tutan telefon danışığını da xatırladaraq həmin söhbətin məhsuldar keçdiyini vurğulayıb.”İnanıram ki, biz insanların düşündüyündən daha çox sülhə yaxınlaşmışıq. Putin bu münaqişənin başa çatmasını istəyir və bunu qətiyyətlə deyə bilərəm. Onunla çox yaxşı telefon danışığımız oldu. Zelenski də artıq həqiqətən müharibənin bitməsini istəyir. Qarşıdakı NATO sammitində bu məsələni geniş şəkildə müzakirə edəcəyik. Ümid edirəm ki, birgə səylərlə bu münaqişəyə son qoya biləcəyik”, – deyə Tramp bildirib.ABŞ prezidentinin açıqlaması Rusiya-Ukrayna müharibəsinin gələcək taleyi ilə bağlı beynəlxalq ictimaiyyətdə ümidləri artırıb. Gözlər indi NATO sammitində aparılacaq müzakirələrə və veriləcək qərarlara yönəlib.
