Səudiyyə Ərəbistanının Nəcran bölgəsinə husilər tərəfindən raket hücumu edilib, genişmiqyaslı yeni hücum xəbərdarlığı olunub
Elpress.az xəbər verir ki, Səudiyyə Ərəbistanının rəhbərlik etdiyi Ərəb Koalisiyasının sözçüsü Turki əl-Malikinin açıklamasına görə, Yəmən husilərinin Nəcran bölgəsindəki yaşayış məntəqələrinə etdiyi hücum nəticəsində 11 mülki şəxs yaralanıb. Yaralananlardan 7-si Səudiyyə Ərəbistanı vətəndaşıdır. Əl-Maliki mülki ərazilərin hədəf alınmasının beynəlxalq humanitar hüququn pozulması olduğunu bəyan edib. Eyni zamanda, Səudiyyə Ərəbistanı rəsmiləri kəşfiyyat məlumatlarına əsasən husilərin İran İnqilabı Keşikçiləri Korpusunun rəhbərliyi altında ölkənin enerji obyektlərinə, liman və hava limanlarına qarşı daha genişmiqyaslı hücumlara hazırlaşa biləcəyi barədə xəbərdarlıq edib.
