“Hizbullah” hərəkatı açıqlayıb ki, İsrail tərəfinin atəşkəs şərtlərini pozduğunu iddia edərək son 24 saat ərzində İsrail hərbi qüvvələrinə qarşı 28 əməliyyat həyata keçirib. Elpress.az-ın məlumatına əsasən bu barədə təşkilatın “Telegram” kanalında paylaşım edilib.
Bəyanatda qeyd olunub ki, “İslam müqaviməti” qüvvələri Livanın cənubunda yerləşən İsrail mövqelərini hədəfə alıb. Bildirilir ki, Bint-Cübeyl rayonunun Dibl qəsəbəsində yerləşən 401-ci zirehli briqadanın qərargahına iki dəfə zərbə endirilib. Eyni zamanda Deyr-Siryan, Əl-Bəyyad və Əl-Kouzah bölgələrində İsrail əsgərlərinin toplandığı ərazilər və komanda məntəqələri də atəşə tutulub.
Məlumata əsasən, Səidə və Nabatieh istiqamətində kəşfiyyat uçuşu həyata keçirən İsrailə məxsus Hermes 450 pilotsuz uçuş aparatına zenit raketi atılıb. “Hizbullah” iddia edir ki, nəticədə pilotsuz aparat sərhəd istiqamətində geri çəkilməyə məcbur olub.
