Tayvanın cənubunda daşqın və sürüşmələr qeydə alınıb, məktəblərdə dərslər dayandırılıb
Elpress.az xəbər verir ki, Tayvanın cənubunda yağan güclü musson yağışları nəticəsində 4 mindən çox sakin təhlükəsiz ərazilərə təxliyə edilib.Əsas təxliyə tədbirləri Qaosyun və Pindun şəhər və rayonlarında həyata keçirilib. Dağlıq ərazilərdə sürüşmə təhlükəsi ilə bağlı 119 xəbərdarlıq elan olunub. Bəzi ərazilərdə daşqınlar və yolların dağılması qeydə alınıb.Tyanlyao rayonunda baş verən sürüşmə səbəbindən avtomobil yolu müvəqqəti bağlanıb. Güclü yağışların daha bir sutkadan çox davam edəcəyi proqnozlaşdırılır.Bəzi bölgələrdə dövlət müəssisələrinin fəaliyyəti müvəqqəti dayandırılıb, məktəblərdə isə dərslər təxirə salınıb. Yağıntıların əvvəlcə Tayvanın cənubunda səngiyəcəyi, daha sonra isə adanın şimalına keçəcəyi bildirilir.
