Elpress.az xəbər verir ki, Böyük Britaniyanın yeni Baş naziri Endi Börnhem vəzifəyə başladıqdan sonra ilk xarici telefon danışıqlarını ABŞ Prezidenti Donald Tramp və Ukrayna Prezidenti Volodimir Zelenski ilə aparacağını açıqlayıb.
Baş nazir Dauninq Stritdəki çıxışından sonra verdiyi televiziya müsahibəsində bildirib ki, Ukrayna Prezidenti Volodimir Zelenskiyə Böyük Britaniyanın Kiyevə dəstəyinin dəyişməz olduğunu birbaşa çatdıracaq.
“Prezident Zelenskinin Böyük Britaniyanın dəstəyinin sarsılmaz və qəti olduğuna dair heç bir şübhəsi olmayacaq. Biz onun yanında olacağıq və mən də şəxsən onun yanında olacağam”, – deyə Endi Börnhem vurğulayıb.
Yeni hökumət başçısı, həmçinin sələfi Kir Starmerin siyasətini davam etdirəcəyini bildirərək, Böyük Britaniyanın Ukraynaya dəstəyinin “100 faiz” davam edəcəyini qeyd edib.
