Ukrayna hakimiyyəti Kramatorsk şəhərində fəaliyyət göstərən bir sıra sənaye müəssisələrinin ölkənin qərbinə köçürülməsi prosesini sürətləndirib.
Elpress.az xəbər verir ki, bu barədə The Economist məlumat yayıb.Nəşrin məlumatına əsasən, Rusiya qoşunlarının bölgəyə yaxınlaşması fonunda metallurgiya və dəzgahqayırma müəssisələrinin Zakarpatye vilayətinin Ujqorod rayonunda yerləşən Pereçin şəhərinə daşınması həyata keçirilir.Bildirilir ki, “Yeni Kramatorsk” layihəsi çərçivəsində bu prosesin hazırlıq mərhələsinə hələ 2022-ci ilin əvvəlində start verilib. Cəbhə xəttində vəziyyətin dəyişməsi isə köçürülmə işlərinin daha sürətli aparılmasına səbəb olub.Məqalədə qeyd olunur ki, indiyədək təxminən 3,5 min əməkdaş ölkənin qərb bölgələrinə köçürülərək fəaliyyətini yeni məkanlarda davam etdirir.
