Aysel Əlibəyli
09 İyul 2026 · 15:55
1092 baxış
ABŞ-ın İranın Hörmüzqan əyalətinin Sirik şəhərində yerləşən limana endirdiyi zərbə nəticəsində 3 nəfər ölüb, 15 nəfər yaralanıb.
Elpress.az xəbər verir ki, İranın cənubunda yerləşən Hörmüzqan əyalətinin administrasiyası ABŞ ordusunun Sirik şəhərindəki ticarət və balıqçılıq limanına hücum etdiyini açıqlayıb. Rəsmi məlumata görə, hadisə nəticəsində 3 nəfər həyatını itirib, daha 15 nəfər müxtəlif dərəcəli bədən xəsarətləri alıb.Administrasiya bildirib ki, hücuma məruz qalan Sirik limanı tamamilə mülki təyinatlı infrastruktura malikdir və burada hər hansı hərbi fəaliyyət həyata keçirilməyib. Hadisənin təfərrüatları və hücumun vurduğu ziyanın həcmi ilə bağlı araşdırmalar davam etdirilir.
