ABŞ Braziliyanın Vaşinqtondakı səfiri Maria Luiza Ribeiro Viottinin vizasını ləğv edib. Qərar iki ölkə arasında son dövrlər yaranan diplomatik gərginliyin növbəti mərhələsi kimi qiymətləndirilir.
Elpress.az xəbər verir ki, ABŞ Dövlət Departamenti bu addımın qarşılıqlılıq prinsipi əsasında atıldığını bildirib.Məlumata görə, qərar Braziliyanın iki amerikalı diplomata viza verməməsi və ABŞ-nin Braziliyaya səfir namizədinin təsdiqi prosesini təxirə salmasına cavab olaraq qəbul edilib. ABŞ tərəfi qərarın icrasını Braziliya hökumətinə məsələni həll etmək üçün vaxt vermək məqsədilə bir neçə dəfə ertələsə də, nəticə əldə olunmadığından səfirin vizası ləğv edilib.
Bildirilib ki, Maria Luiza Ribeiro Viotti hazırda ABŞ-ni tərk etməyə məcbur edilməyib. Rəsmi Vaşinqton qeyd edib ki, Braziliya tərəfi müvafiq addımlar atacağı təqdirdə qərarın yenidən nəzərdən keçirilməsi mümkündür.
Xatırladaq ki, diplomatik böhran Braziliyanın ABŞ-nin ölkəyə səfir namizədi Denni Peresin təsdiqini seçkilərdən sonraya saxlaması və daha sonra bəzi ABŞ diplomatlarına viza verməkdən imtina etməsi ilə daha da kəskinləşib.
