“Bu, tarixdə əldə edilən ən möhtəşəm razılaşmalardan biri ola bilərdi. Onlar təslim olduqlarını göstərmək üçün ağ bayraq qaldıra və ‘biz təslim oluruq’ mesajını verə bilərdilər.”
ABŞ Prezidenti Donald Tramp İranla bağlı açıqlamalarında ölkəsinin dünyadakı gücünü vurğulayaraq, Tehranın razılaşma əldə etmək üçün addım atmalı olduğunu bildirib. O qeyd edib ki, İran tərəfi “ağ bayraq qaldıraraq” təslim olduğunu bəyan edə və bununla da tarixdə ən yaxşı razılaşmalardan birinə nail olmaq imkanı qazana bilərdi.Tramp həmçinin İranın strateji əhəmiyyət daşıyan Xarq adası barədə danışaraq, bu ərazinin ələ keçirilməsi variantına hər zaman üstünlük verdiyini, lakin belə bir addımın ABŞ ictimaiyyəti tərəfindən necə qarşılanacağını dəqiq bilmədiyini söyləyib.ABŞ liderinin sözlərinə görə, İran xalqı amerikalıları Xarq adasında görməkdən məmnun olardı. O, Tehranın bir tərəfdən razılaşma üçün müraciət etdiyini, digər tərəfdən isə ABŞ tərəfindən ciddi zərbələrə məruz qaldığını qeyd edib.Qeyd edək ki, Tramp daha əvvəl gələcəkdə ABŞ-ın İranın Xarq adasını nəzarətə götürə biləcəyi ilə bağlı açıqlama vermişdi.
