Dünya fond bazarlarında avqustun 19-da fərqli istiqamətlər üzrə hərəkətlilik müşahidə olunub.
ABŞ və Asiya-Sakit okean regionunun əsas indeksləri yüksəldiyi halda, Avropanın aparıcı birjalarında əsasən geriləmə qeydə alınıb.
Elpress.az xəbər verir ki, ABŞ bazarlarında “Dow Jones Industrial Average” 0,22% artaraq 53 463,05 bəndə yüksəlib. “S&P 500” 0,21% artımla 7 707,98 bəndə, “Nasdaq Composite” isə 0,16% yüksəlişlə 26 331,09 bəndə çatıb. “NYSE Composite” 0,32% artaraq 24 629,61 bənd təşkil edib.Avropada “Euro Stoxx 50” 0,37% azalaraq 6 444,46 bəndə, Almaniyanın DAX indeksi 0,14% geriləyərək 26 091,33 bəndə düşüb. Fransanın CAC 40 indeksi 0,09% azalaraq 8 501,91 bənd, İspaniyanın IBEX 35 indeksi isə 0,44% geriləmə ilə 17 935,60 bənd olub.Böyük Britaniyanın FTSE 100 indeksi isə digər əsas Avropa göstəricilərindən fərqli olaraq 0,14% yüksəlib və 10 605,28 bəndə çatıb.Asiya-Sakit okean regionunda isə artım üstünlük təşkil edib. Yaponiyanın “Nikkei 225” indeksi 0,86% yüksələrək 52 761,18 bəndə, “Topix” 0,78% artaraq 3 742,19 bəndə çatıb.Honkonqun “Hang Seng” indeksi 1,12% yüksələrək 27 143,42 bənd, Çinin CSI 300 göstəricisi isə 0,21% artımla 4 738,19 bənd təşkil edib.
