Tehranla əməkdaşlıq edən şirkətlər və maliyyə qurumları dollar sistemindən kənarlaşdırıla bilər
Elpress.az xəbər verir ki, ABŞ administrasiyası İrana qarşı maliyyə təzyiqlərini daha da gücləndirməyə hazırlaşır. Yeni tədbirlərin Tehranla iqtisadi əlaqələrini davam etdirən ölkə, şirkət və maliyyə qurumlarına ciddi təsir göstərəcəyi gözlənilir.ABŞ maliyyə naziri Skott Bessentin avqustun 24-də İrana qarşı ikinci dərəcəli sanksiyaların əhatəsinin genişləndirilməsini nəzərdə tutan tədbirləri açıqlayacağı bildirilir. Bessent planlaşdırılan addımları “iqtisadi D-Day” adlandıraraq, bunun ABŞ-ın rəqibinə qarşı həyata keçirdiyi ən genişmiqyaslı maliyyə təzyiqlərindən biri olacağını qeyd edib.Yeni sanksiyaların İranla iqtisadi əməkdaşlıq edən şirkətlərə, banklara və digər qurumlara şamil edilə biləcəyi bildirilir. Xüsusilə İran neftinin alınması və daşınmasında iştirak edən şirkətlərin, valyuta mübadiləsi həyata keçirən maliyyə qurumlarının və Tehranın idxal əməliyyatlarına dəstək verən vasitəçilərin hədəfə alınacağı gözlənilir.Bundan əlavə, aviasiya sektorunda fəaliyyət göstərən bəzi şirkət və qurumların da yeni sanksiyaların əhatəsinə düşə biləcəyi qeyd olunur. Tədbirlərin əsas məqsədinin İranın beynəlxalq maliyyə sisteminə çıxışını məhdudlaşdırmaq və Tehranla iqtisadi əlaqələri davam etdirən tərəflərə təzyiq göstərmək olduğu bildirilir.
