Aysel Əlibəyli
06 Avqust 2026 · 09:55
1044 baxış
ABŞ-nin Şimali Karolina ştatında baş verən silahlı hücum insan tələfatına səbəb olub.
Elpress.az xəbər verir ki, bu barədə Şimali Karolina Dövlət Təhqiqat Bürosu məlumat yayıb.
Məlumata görə, hadisə səhər saatlarında ştatın şimalında yerləşən Kasvell dairəsinin Prospekt Hill bölgəsində qeydə alınıb.Rəsmi açıqlamada bir neçə nəfərin güllələndiyi, hadisə nəticəsində ölən və yaralananların olduğu bildirilib. Ölən və xəsarət alanların dəqiq sayı hələlik açıqlanmayıb.
Qeyd olunub ki, Kasvell dairəsi Şerif İdarəsi istintaqın aparılması üçün dövlət qurumlarından əlavə dəstək istəyib.
Faktla bağlı genişmiqyaslı araşdırma aparılır.
