Kim Çen In sınaqları izləyib və yeni texnologiyanın silahlı qüvvələrin yenilənməsi baxımından əhəmiyyətini vurğulayıb
Elpress.az xəbər verir ki, Koreya Xalq Demokratik Respublikasının Raket Baş İdarəsi yeni silah sisteminin sınaqlarını keçirib.Sınaqlar sentyabrın 20-də baş tutub və KXDR lideri Kim Çen In prosesi şəxsən izləyib.Kim Çen In sınağın ölkənin müdafiə imkanları və silahlı qüvvələrin texniki yenilənməsi baxımından əhəmiyyətli olduğunu bildirib. O, yeni texnologiyaya sahib olmağın ölkənin müharibəyə hazırlığının və hərbi qüvvələrin gələcək inkişafının gücləndirilməsi üçün vacib olduğunu qeyd edib.Bildirilib ki, keçirilən sınaqlar qonşu ölkələrin təhlükəsizliyinə mənfi təsir göstərməyib.Sınaqdan keçirilən silah sisteminin konkret növü və texniki göstəriciləri açıqlanmayıb.
