Niderland hakimiyyəti uzunmüddətli isti hava şəraiti və çaylarda su səviyyəsinin kritik həddə enməsi səbəbindən ölkədə ikinci səviyyəli su böhranı – “faktiki su qıtlığı” rejimi elan edib.
Elpress.az xəbər verir ki, bu barədə RTL telekanalı məlumat yayıb. Məlumata görə, qərar Milli Su Ehtiyatlarının Bölüşdürülməsi üzrə Koordinasiya Komissiyasının tövsiyəsi əsasında qəbul olunub.
Su ehtiyatlarının qorunması məqsədilə ölkədə texniki məhdudiyyətlər tətbiq edilib, bəndlərin işi tənzimlənib, əlavə nasos stansiyaları hazır vəziyyətə gətirilib və şlüzlərin açılma tezliyi azaldılıb.
Bəzi bölgələrdə kanallardan, çaylardan və yeraltı su mənbələrindən su götürülməsinə qadağa qoyulub. Bununla yanaşı, əhalinin içməli su ilə təminatında hazırda problem olmadığı bildirilib.
