Aysel Əlibəyli
22 İyul 2026 · 17:58
1014 baxış
Elpress.az xəbər verir ki, ABŞ-də hüquq-mühafizə orqanlarının keçirdiyi əməliyyat zamanı uzun illər gizli saxlanıldığı iddia edilən uşaqlarla bağlı ağır faktlar üzə çıxıb.
Məlumata görə, yaşı 18 aydan 18 yaşadək olan 16 uşaq eyni yaşayış evində sağlamlıq üçün təhlükəli və antisanitar şəraitdə saxlanılıb. Əməliyyat zamanı uşaqlar təhlükəsiz əraziyə çıxarılıb və onlara zəruri tibbi və psixoloji yardım göstərilməsinə başlanılıb.
Hadisə ilə bağlı 4 nəfər saxlanılıb. Onların uşaqları qanunsuz şəkildə azadlıqdan məhrum etmə və digər ağır cinayətlərdə şübhəli bilindiyi bildirilir.
Hazırda fakt üzrə cinayət işi açılıb, hadisənin bütün təfərrüatlarının müəyyənləşdirilməsi istiqamətində istintaq tədbirləri davam etdirilir.
