Aysel Əlibəyli
17 May 2026 · 13:45
1093 baxış
BMT-nin Ümumdünya Şəhərsalma Forumunun 13-cü Sessiyası mənzil siyasətinin təkmilləşdirilməsi və beynəlxalq təcrübənin öyrənilməsi baxımından bütün ölkələr üçün böyük əhəmiyyət kəsb edir.
Bunu Elpress.az-ın Azərtac.az-a istinadən verdiyi məlumata əsasən BMT-nin Ümumdünya Şəhərsalma Forumunun 13-cü Sessiyasında (WUF13) iştirak edən Şri-Lankanın mənzil, tikinti və su təchizatı naziri Herat Mudiyanselaqe Ranasinqe deyib.Nazir bildirib ki, forum çərçivəsində aparılan müzakirələr dayanıqlı şəhərsalma, münasib mənzil təminatı və urbanizasiya sahəsində yeni yanaşmaların formalaşmasına mühüm töhfə verir. Onun sözlərinə görə, bu kimi platformalar ölkələr arasında əməkdaşlığın genişlənməsinə və uğurlu təcrübə mübadiləsinin güclənməsinə şərait yaradır.
