Aysel Əlibəyli
08 Avqust 2026 · 15:25
1042 baxış
Rusiyanın səfiri: Moskva-Feysəlabad və Moskva-Kəraçi marşrutları üzrə ilk yük qatarının işə düşməsinə hazırlıq görülür
Elpress.az xəbər verir ki, Rusiya və Pakistan iki ölkə arasında ilk yük dəmir yolu marşrutunun istifadəyə verilməsi üzərində işləyirlər. Rusiyanın Pakistandakı səfiri Albert Xorevin verdiyi məlumata görə, yükdaşımalar Moskva–Feysəlabad və Moskva–Kəraçi xətləri üzrə hər iki istiqamətdə planlaşdırılır, həmçinin Belarusun da layihəyə qoşulması imkanı nəzərdən keçirilir. Ötən dövrdə geosiyasi gərginlik səbəbindən təxirə salınan layihə üzrə hazırda müqavilələrin son detalları dəqiqləşdirilir və marşrut boyu yükdaşımada maraqlı olan şirkətlər seçilir.
