Vaşinqton Avropadakı hərbi kontingenti 40 min nəfərədək azaltma variantını da nəzərdən keçirir
Elpress.az xəbər verir ki, ABŞ Müdafiə Nazirliyinin Avropadakı hərbi qüvvələrin sayının azaldılması ilə bağlı plan üzərində işlədiyi bildirilir.Plan çərçivəsində Avropa qitəsindən təxminən 25 min ABŞ hərbçisinin, eləcə də bəzi döyüş gəmiləri, hərbi təyyarələr və silah-sursatın geri çəkilməsi nəzərdə tutulur.Bundan əlavə, ABŞ rəsmilərinin daha genişmiqyaslı ixtisar ssenarisini də müzakirə etdiyi qeyd olunur. Bu variant həyata keçirilərsə, Avropada yerləşən ABŞ hərbi kontingentinin sayının təxminən yarıya endirilərək 40 min nəfərə qədər azaldılması mümkündür.İxtisarların əsasən ABŞ hərbi qüvvələrinin böyük hissəsinin yerləşdiyi Almaniya, İtaliya və İspaniyaya təsir edəcəyi bildirilir.Planla bağlı yekun qərarın qəbul edilib-edilmədiyi və dəyişikliklərin hansı müddətdə həyata keçiriləcəyi barədə məlumat verilməyib.
