Pekin Tehrandan Yəmən husilərinin fəaliyyətinin qarşısının alınmasına dəstək verməsini xahiş edib
Elpress.az xəbər verir ki, Çin Yəmən husilərinin fəaliyyətinin qarşısının alınması ilə bağlı İrandan yardım istəyib.Məlumata görə, Pekin bu məsələ ilə bağlı Tehrana qeyri-rəsmi müraciət edib. Müraciətin Səudiyyə Ərəbistanının Çindən dəstək istəməsindən sonra edildiyi bildirilir.Səudiyyə Ərəbistanının müraciətinə səbəb İranın dəstəklədiyi qruplaşmanın ötən həftə həyata keçirdiyi hərbi əməliyyat olub. Husilərin Qırmızı dənizin sahilində və Bab əl-Məndəb boğazı ətrafında fəaliyyətlərini genişləndirməsinin regionda gəmiçilik və Səudiyyə Ərəbistanının neft ixracına əlavə təzyiq yaratdığı qeyd olunur.Pekinin müraciəti ilə bağlı rəsmi açıqlama verilməyib.
