Aysel Əlibəyli
06 İyul 2026 · 18:41
22 baxış
Masallı rayonunda keçirilən yoxlama zamanı 3 tondan artıq insan istehlakı üçün yararsız ət aşkarlanıb.
Elpress.az xəbər verir ki, Azərbaycan Qida Təhlükəsizliyi Agentliyinin (AQTA) əməkdaşları rayonun Kürdəbaz kəndində yerləşən soyuducu anbarda nəzarət tədbiri həyata keçiriblər.
Yoxlama zamanı ümumi çəkisi 3050 kiloqram olan və korlanma əlamətləri müşahidə edilən ətlər müəyyən edilərək dövriyyədən çıxarılıb. Məhsullardan götürülən nümunələrin laborator müayinəsi nəticəsində onların insan istehlakı üçün yararsız olduğu təsdiqlənib.
Faktla bağlı qanunvericiliyə uyğun tədbirlər görülür, yararsız ətlərin məhv edilməsi prosesi davam etdirilir.
