Daxili İşlər Nazirliyinin tabeliyində fəaliyyət göstərən üç məktəbəqədər təhsil müəssisəsi Bakı Şəhəri üzrə Təhsil İdarəsinin (BŞTİ) tabeliyinə verilib.
Elpress.az xəbər verir ki, bu barədə BŞTİ məlumat yayıb.Bildirilib ki, söhbət Nəsimi rayonunda yerləşən 355 və 357, həmçinin Səbail rayonundakı 356 nömrəli körpələr evi-uşaq bağçasından gedir.Məlumata əsasən, məktəbəqədər təhsil müəssisələrinə növbəyə yazılma prosesi müvəqqəti dayandırılsa da, həmin bağçalarda qrupların komplektləşdirilməsi məqsədilə qeydiyyat bq.edu.az elektron sistemi vasitəsilə davam etdirilir.
Qeyd olunub ki, məktəbəqədər təhsil müəssisələrinin şəbəkəsinin genişləndirilməsi, infrastrukturun yenilənməsi, uşaqlar üçün yaradılan şəraitin yaxşılaşdırılması, eləcə də xidmət keyfiyyətinin və əməkdaşların peşəkarlıq səviyyəsinin artırılması istiqamətində işlər davam etdirilir.
