Azərbaycan Qida Təhlükəsizliyi Agentliyi (AQTA) tərəfindən kərə yağları ilə bağlı aparılan plandankənar yoxlamalar zamanı bir sıra etiketləmə pozuntuları aşkarlanıb.
Elpress.az xəbər verir ki, bunu AQTA-nın Qida təhlükəsizliyi şöbəsinin müdiri Validə Sadıxova qurumun ilk 6 ay üzrə fəaliyyətinin yekunlarına həsr olunmuş mətbuat konfransında bildirib.
Onun sözlərinə görə, yoxlamalar zamanı bəzi məhsulların etiketlərində istehlakçıları çaşdıran və ya həqiqəti əks etdirməyən məlumatların yer aldığı müəyyən edilib. Validə Sadıxova qeyd edib ki, belə hallarla bağlı qanunvericiliyə uyğun tədbirlər görülür.
AQTA rəsmisi vurğulayıb ki, əsas məqsəd bazarda təhlükəsiz və keyfiyyətli məhsulların dövriyyəsini təmin etmək, istehlakçıların hüquqlarını qorumaq və sahibkarların qanunvericiliyin tələblərinə əməl etməsinə nail olmaqdır.
