Elpress.az xəbər verir ki, Diasporla İş üzrə Dövlət Komitəsinin sədri Fuad Muradov Maksim Tank adına Belarus Dövlət Universitetinin nəzdində fəaliyyət göstərən Azərbaycan Dili və Mədəniyyəti Mərkəzinin rəhbəri Fuad İbrahimovla görüşüb.
Görüş zamanı xaricdə yaşayan azərbaycanlıların fəaliyyətindən, diaspor təşkilatlarının Azərbaycan həqiqətlərinin və milli-mədəni irsimizin təbliğində rolundan danışılıb.Fuad Muradov soydaşlarımızın yaşadıqları ölkələrin ictimai həyatında fəal iştirak etdiklərini və Azərbaycanla digər dövlətlər arasında əlaqələrin inkişafına töhfə verdiklərini qeyd edib.Daha sonra Fuad İbrahimova Azərbaycan Respublikasının “Diaspor fəaliyyətində xidmətə görə” medalı təqdim olunub.
Fuad İbrahimov göstərilən diqqətə görə təşəkkürünü bildirib və gələcəkdə də Azərbaycan diasporunun fəaliyyətinin gücləndirilməsi, eləcə də ölkələrarası əlaqələrin inkişafı istiqamətində səylərini davam etdirəcəyini deyib.
