Misli Premyer Liqasının X turunda “Turan Tovuz” doğma meydanda “Sabah” üzərində qələbə qazanıb.
Elpress.az xəbər verir ki, Tovuz şəhər stadionunda keçirilən qarşılaşma meydan sahiblərinin 3:2 hesablı üstünlüyü ilə başa çatıb.
Oyunun 28-ci dəqiqəsində Enrike Silva hesabı açıb. Cəmi iki dəqiqə sonra Jorlem Santos fərqi artırıb, 37-ci dəqiqədə isə dubl edərək “Turan Tovuz”un üstünlüyünü üç topa çatdırıb.
“Sabah” ikinci hissədə hesab arasındakı fərqi azaltmağa çalışıb. Coy Lens Mikels 70-ci, Ksander Severina isə 87-ci dəqiqədə fərqlənsə də, qonaqlar məğlubiyyətdən qaça bilməyiblər.
Bu nəticədən sonra ehtiyatda bir oyunu olan “Sabah” 20 xalla turnir cədvəlinin lideridir. “Turan Tovuz” isə 10 oyundan topladığı 18 xalla dördüncü pillədə qərarlaşıb.
Qeyd edək ki, X tura noyabrın 2-də yekun vurulacaq.
