Aysel Əlibəyli
24 Oktyabr 2026 · 21:44
1014 baxış
Azərbaycanın U-15 futbol millisi Bakıda keçirilən dünya çempionatı və festivalında ilk oyununda inamlı qələbə qazanıb.
Elpress.az xəbər verir ki, Famil Xəlilovun baş məşqçisi olduğu kollektiv Bakı Kristal Zalında Timor-Leste yığmasını 6:0 hesabı ilə məğlub edib.
Qarşılaşmada Müşfiq Zamanov və Həsən Məmmədov dubl ediblər. Yusif Əlizadə və Asif Allahverdi-zadə də hərəyə bir dəfə fərqləniblər.
Millimiz oktyabrın 25-də Andorra ilə saat 12:45-də, Avstraliya ilə isə saat 19:30-da qarşılaşacaq. Oktyabrın 26-da komandamız İsrail və Haiti yığmaları ilə mübarizə aparacaq. Bu görüşlər Hövsan Yarış Kompleksinin 10A meydançasında keçiriləcək.
Qeyd edək ki, FIFA U-15 Dünya Çempionatı və Festivalı oktyabrın 30-dək davam edəcək.
