İlham Əliyev Azərbaycan və Qırğızıstan arasında münasibətlərin ən yüksək səviyyəyə çatdığını bildirib
Elpress.az xəbər verir ki, Azərbaycan Prezidenti İlham Əliyev Azərbaycan-Qırğızıstan münasibətlərinin yeni mərhələyə qədəm qoyduğunu bildirib. Dövlət başçısı bunu “ŞƏT plyus” formatında keçirilən görüşdə çıxışı zamanı deyib.İlham Əliyev qeyd edib ki, bir ay əvvəl Qırğızıstana dövlət səfəri çərçivəsində imzalanan müttəfiqlik münasibətləri haqqında müqavilə iki ölkə arasındakı əlaqələri ən yüksək səviyyəyə yüksəldib.Prezident Qırğızıstanın sosial-iqtisadi inkişaf sahəsində əldə etdiyi uğurları və beynəlxalq arenada nüfuzunun möhkəmlənməsini də vurğulayıb. O, Qırğızıstanın 2027–2028-ci illər üçün BMT Təhlükəsizlik Şurasının qeyri-daimi üzvü seçilməsini beynəlxalq ictimaiyyətin ölkənin siyasətinə dəstəyinin göstəricisi kimi qiymətləndirib.
