Özbəkistan Prezidenti Azərbaycan və Mərkəzi Asiya ölkələri ilə humanitar əlaqələrin gücləndirilməsini vacib sayıb
Elpress.az xəbər verir ki, Özbəkistan Prezidenti Şavkat Mirziyoyev Azərbaycan və Mərkəzi Asiya dövlətləri arasında humanitar əməkdaşlığın ölkəsi üçün əsas istiqamətlərdən biri olaraq qaldığını bildirib.O, bu fikirləri Azərbaycan və Mərkəzi Asiya ölkələrinin Dövlət Başçılarının Qeyri-rəsmi Məşvərət Görüşündə səsləndirib.Mirziyoyev xalqlar arasında tarixi əlaqələrə diqqət çəkərək onların əsrlər boyu birgə yaşadığını, ticarət etdiyini, bilik və mədəni ənənələrini bölüşdüyünü qeyd edib. Onun sözlərinə görə, müasir əməkdaşlığın inkişafı ortaq dəyərlər və ümumregional kimlik hissini daha da gücləndirir.Özbəkistan Prezidenti humanitar sahədə əməkdaşlığın yeni məzmunla inkişaf etdirilməsinin xalqlar arasında birlik, həmrəylik və qarşılıqlı anlaşmanı möhkəmləndirəcəyini vurğulayıb. O, görüş zamanı irəli sürülən təşəbbüsləri dəstəklədiyini və imzalanan Bəyannamənin əldə edilmiş razılaşmaları əks etdirdiyini bildirib.
