Azərbaycan və Bolqarıstan hərbi qulluqçuların sosial və mədəni təminatını müzakirə edib
Elpress.az xəbər verir ki, Bolqarıstan Müdafiə Nazirliyinin nümayəndə heyəti Azərbaycana səfər edib.Səfər Azərbaycan və Bolqarıstan müdafiə nazirlikləri arasında 2026-cı il üçün imzalanmış ikitərəfli hərbi əməkdaşlıq planı çərçivəsində təşkil olunub. Proqram əsasında hərbi qulluqçuların mədəni və sosial məsələləri, eləcə də istirahət, məzuniyyət və tətil imkanlarından qarşılıqlı və səmərəli istifadə ilə bağlı işçi görüş keçirilib.Azərbaycan Müdafiə Nazirliyinin Şəxsi Heyət Baş İdarəsində baş tutan görüş zamanı hərbi qulluqçuların asudə vaxtının səmərəli təşkili istiqamətində görülən işlər barədə məlumat verilib. Tərəflər həmçinin mövcud əməkdaşlığın genişləndirilməsi və gələcək perspektivlər ətrafında fikir mübadiləsi aparıblar.Görüşün sonunda nümayəndə heyətləri arasında hədiyyələr təqdim olunub və xatirə fotosu çəkdirilib.
