Reperin ölümünü təşkil etməkdə ittiham olunan Dueyn Kit Deyvisin işi üzrə ilk məhkəmə iclası keçirilib
Elpress.az xəbər verir ki, ABŞ-nin Nevada ştatında məşhur amerikalı reper Tupak Şakurun 1996-cı ildə öldürülməsi ilə bağlı məhkəmə prosesi başlayıb.İş üzrə “South Side Compton Crips” qruplaşmasının keçmiş rəhbəri Dueyn Kit Deyvis (“Keffe D”) ittiham olunur. İlk iclas zamanı ittiham tərəfi bildirib ki, Deyvis atəş açan şəxs olmasa da, qardaşı oğlunun döyülməsinə cavab olaraq Tupak Şakura qarşı hücumu planlaşdırıb.63 yaşlı Deyvis isə özünü təqsirli bilmədiyini deyib. Məhkəmə prosesinin təxminən bir ay davam edəcəyi gözlənilir. Təqsiri sübuta yetiriləcəyi təqdirdə, o, ömürlük həbs cəzası ilə üzləşə bilər.Tupak Şakur 7 sentyabr 1996-cı ildə Las-Veqasda avtomobildə olarkən naməlum şəxslərin silahlı hücumuna məruz qalıb. 25 yaşlı reper aldığı güllə yaralarından sentyabrın 13-də vəfat edib.Deyvis 2023-cü ildə saxlanılıb. Ondan əvvəl onun evində aparılan axtarış zamanı bir neçə kompüter, fotoşəkillərin olduğu qutular və Tupak Şakurla əlaqəli materiallar müsadirə edilmişdi.Qeyd edək ki, Deyvis həbsindən sonra Tupakın öldürülməsinin sifarişini məşhur reper Şon Kombsun (“P. Diddy”) verdiyini iddia edib. Bu iddia ilə bağlı isə ayrıca hüquqi qiymətləndirmələr mövcuddur.
