Milli Kitabxana-da “Dilimiz milli-mədəni kimliyimizin təməlidir” mövzusunda seminar təşkil edilib.
Mədəniyyət Nazirliyi nəzdində fəaliyyət göstərən Mədəniyyət üzrə Elmi-Metodiki və İxtisasartırma Mərkəzi Prezident İlham Əliyevin 2026-cı il 14 yanvar tarixli Sərəncamı ilə təsdiqlənmiş “Azərbaycan Mədəniyyəti – 2040” Azərbaycan Respublikasının Mədəniyyət Konsepsiyasından irəli gələn məqsəd və hədəflər əsasında “Dilimiz milli-mədəni kimliyimizin təməlidir” adlı silsilə seminarlar layihəsinə start verib.Layihənin ilk seminarı M.F.Axundov adına Azərbaycan Milli Kitabxanası-da keçirilib. Tədbirdə Milli Məclisin sədr müavini, Rafael Hüseynov geniş məzmunlu məruzə ilə çıxış edərək dilin milli kimliyin formalaşmasında əsas rol oynadığını vurğulayıb və mövzunun elmi-nəzəri aspektlərini ətraflı şəkildə şərh edib.Çıxış edən Kərim Tahirov isə bildirib ki, dövlət başçısının sərəncamı ilə təsdiq edilən “Azərbaycan Mədəniyyəti – 2040” Konsepsiyası ölkənin mədəni siyasətinin uzunmüddətli strateji istiqamətlərini müəyyən edən mühüm sənəddir. Onun sözlərinə görə, bu sənəd təkcə mövcud dövrün deyil, həm də gələcək nəsillərin mədəni düşüncə tərzinin və estetik zövqünün formalaşmasına xidmət edən uzaqgörən bir yanaşmadır.O qeyd edib ki, konsepsiya mədəniyyətə sistemli yanaşma təqdim edir və Azərbaycan mədəniyyətinin əsas sahələrini — Azərbaycan dili, ədəbiyyat, incəsənət, davranış və bilik mədəniyyəti, eləcə də mədəni irs istiqamətlərini əhatə edir. Sənəddə Azərbaycan dili və ədəbiyyatının ilk dəfə olaraq mədəniyyətin aparıcı sütunlarından biri kimi müəyyən olunması isə xüsusi əhəmiyyət daşıyır.
