Azərbaycan Dövlət Akademik Musiqili Teatrında Yusif Səmədoğlunun 90 illik yubileyinə həsr olunmuş tədbir keçirilib
Elpress.az xəbər verir ki , Mədəniyyət Nazirliyinin təşkilatçılığı ilə Azərbaycan Dövlət Akademik Musiqili Teatrında Xalq yazıçısı Yusif Səmədoğlunun anadan olmasının 90 illiyinə həsr olunmuş yubiley tədbiri və tamaşa nümayiş etdirilib.Tədbirdə mədəniyyət nazirinin müavini Fərid Cəfərov, Xalq yazıçısı Anar, Yusif Səmədoğlunun ailə üzvləri, tanınmış elm, mədəniyyət və incəsənət xadimləri, eləcə də teatr ictimaiyyətinin nümayəndələri iştirak ediblər.Bildirilib ki, yubiley tədbiri görkəmli yazıçının zəngin ədəbi irsinin yad edilməsi, yaradıcılığının təbliği və yeni nəslə tanıdılması məqsədilə təşkil olunub.Açılış mərasimində çıxış edən Xalq yazıçısı Anar Yusif Səmədoğlunun Azərbaycan ədəbiyyatında xüsusi yer tutduğunu vurğulayaraq bildirib ki, onun əsərləri bu gün də aktuallığını qoruyur və oxucular tərəfindən böyük maraqla qarşılanır. O, yazıçının milli nəsrə fərqli bədii üslub və dərin fəlsəfi düşüncə gətirən sənətkarlardan biri olduğunu qeyd edib.Rəsmi hissədən sonra qonaqlara Yusif Səmədoğlunun yaradıcılığı əsasında hazırlanmış yubiley tamaşası təqdim olunub. Yazıçının irsini və həyat fəlsəfəsini əks etdirən səhnə əsəri tamaşaçılar tərəfindən böyük maraqla izlənilib və alqışlarla qarşılanıb.
