Dövlət qurumları ilə ictimai təşkilatların birgə həyata keçirdiyi layihələr eşitmə məhdudiyyətli insanların məlumatlılığının artırılmasına, onların sosial həyatda daha fəal iştirakına və cəmiyyətə inteqrasiyasının gücləndirilməsinə mühüm töhfə verir.
Elpress.az-ın Azərtac.az-a istinadən verdiyi məlumata əsasən, “Eşitmə və Nitq Məhdudiyyətli İnsanlara Sosial Yardım” İctimai Birliyinin rəhbəri Cəmilə Abdulova Eşitmə Məhdudiyyətli İnsanların II Mədəniyyət Festivalı çərçivəsində bildirib ki, təşkilatın əsas fəaliyyət istiqamətlərindən biri eşitmə məhdudiyyətli şəxslərin maarifləndirilməsi, onların dövlət proqramları və xidmətləri barədə geniş məlumatlandırılmasıdır və bu məqsədlə dövlət qurumlarının dəstəyi ilə bir sıra mühüm layihələr həyata keçirilir.Onun sözlərinə görə, son illərdə birlik Dövlət Yol Polisi, İcbari Tibbi Sığorta üzrə Dövlət Agentliyi, Əmək və Sosial Müdafiə Nazirliyi, eləcə də Ailə, Qadın və Uşaq Problemləri üzrə Dövlət Komitəsi ilə birgə müxtəlif sosial təşəbbüslər reallaşdıraraq eşitmə məhdudiyyətli insanların informasiya əlçatanlığının artırılmasına töhfə verib.C. Abdulova qeyd edib ki, təşkilatın əsas məqsədi vacib məlumatların əlçatan formatda, xüsusilə işarət dili vasitəsilə təqdim olunmasıdır ki, bu da həmin şəxslərin öz hüquqları, imkanları və dövlət xidmətləri barədə daha dolğun məlumat əldə etməsinə şərait yaradır.O, həmçinin vurğulayıb ki, ictimai birlik dövlət qurumları ilə eşitmə məhdudiyyətli şəxslər arasında körpü rolunu oynayaraq mövcud problemlərin aşkarlanmasına və onların aidiyyəti orqanlara çatdırılmasına dəstək verir.
