Azərbaycanlı tanınmış bloqerlər Vahid Həsənov və həyat yoldaşı Həsti Həsənova istirahət məqsədilə səfər etdikləri Taylandda yol qəzası ilə üzləşiblər.
Elpress.az-ın Qafqazinfo.az-a istinadən verdiyi məlumata əsasən, Tanınmış bloqer Həsti Həsənova İnstaqram hesabında paylaşım edərək, həyat yoldaşı Vahid Həsənovla birlikdə Tayland səfərlərinin son günündə mopedlə ciddi yol qəzası keçirdiklərini bildirib.O qeyd edib ki, planlarına görə həmin gün artıq Bakıya qayıtmalı idilər, lakin adadakı son günlərində baş verən qəza hər şeyi dəyişib. Həsti Həsənovanın sözlərinə görə, hərəkət zamanı qəfil huşunu itirib və ayıldıqda mopedin aşdığını, özlərinin isə ağır vəziyyətdə yerdə uzandıqlarını görüb. Ətrafdakı insanların köməyi ilə ilkin yardım göstərilib, daha sonra təcili tibbi yardım çağırılıb və Vahid Həsənov əməliyyata götürülüb.Bloqer həmin an yaşadıqları şokun çox ağır olduğunu, bədənində güclü stress və iflicə bənzər vəziyyət yarandığını da vurğulayıb. Onun sözlərinə görə, Vahid Həsənovun 9 qabırğası, körpücük sümüyü və çiynində sınıq və çatlar aşkarlanıb, hazırda isə hərəkət etməsi və gündəlik fəaliyyətləri belə ciddi çətinliklərlə müşayiət olunur.
