Elşən
14 İyul 2026 · 13:50
56 baxış
Əli Hacı sosial şəbəkə hesabından yeni şeirini oxucularla bölüşüb.
Elpress.az olaraq şeiri təqdim edirik:
Bəxtimi silkələdim,
Üstümə qəm töküldü !
Bədən darmış ruhuma,
Əlim,dilim söküldü !
Yol-qələm,kağız-yarpaq
Dil-meydan,sinəm-dağ !
Güvəndiyim torpaq da,
Ayaq altdan çəkildi !
Ömrümün bu sonunda,
Çıxdım hər cür oyundan !
Bənövşənin boynu da,
Mənə görə büküldü !
Göydən gəlmədi daşım,
Atan yardı,alışım !
Əyilmədi heç başım,
Dərd gördükcə dikəldi !
Sən də yaxın gəl,mələk
Vaxtı ələyir Fələk !
Barı,şəkil çəkdirək
Qalan,bircə şəkildi !
Bəxtimi silkələdim,
Üstümə qəm töküldü !
Bədən darmış ruhuma,
Əlim,dilim söküldü !
