Aysel Əlibəyli
14 İyul 2026 · 10:29
4 baxış
Bakı–Şamaxı avtomobil yolunun bir hissəsində təhlükəli çökmə qeydə alınıb.
Elpress.az-ın əldə etdiyi məlumata görə, yolun hərəkət hissəsində iri çatlar və dərin çökmə yaranıb. Bu isə ərazidən keçən sürücülər üçün ciddi təhlükə yaradır.
Hadisə yerindən yayılan görüntülərdə asfalt örtüyünün çökməsi nəticəsində yolda böyük çuxurun əmələ gəldiyi aydın görünür. Sürücülərə həmin istiqamətdə hərəkət edərkən ehtiyatlı olmaları tövsiyə olunur.
Hadisə ilə bağlı aidiyyəti qurumların məlumat verməsi və təhlükəli ərazidə bərpa işlərinin aparılması gözlənilir.
Elpress.az məsələni diqqətdə saxlayır və rəsmi açıqlama olduqca oxuculara təqdim edəcək.
