Azərbaycanda fəaliyyət göstərən kitabxanaların böyük hissəsinin beynəlxalq standartlara uyğun olmadığı açıqlanıb.
Elpress.az xəbər verir ki, bu barədə Milli Məclisin Mədəniyyət komitəsində keçirilən “Kitabxana sisteminin mövcud vəziyyəti və inkişaf perspektivləri” mövzusunda ictimai müzakirədə mədəniyyət nazirinin müavini Fərid Cəfərov məlumat verib.Mərkəzləşdirilmiş Kitabxana Sistemi ilə bağlı təqdimatda bildirilib ki, ölkədəki kitabxanaların 90 faizindən çoxu bina, struktur və xidmət imkanları baxımından beynəlxalq tələblərə cavab vermir.Təqdim olunan statistikaya görə, kitabxana sistemində çalışan əməkdaşların 7,7 faizi ixtisaslı ali təhsilə malikdir. İşçilərin 10,4 faizi ali, lakin qeyri-ixtisas təhsilli, 39,3 faizi orta ixtisas, 42,6 faizi isə ümumi orta təhsillidir.Bundan başqa, kitabxana fondunun 57,6 faizinin kiril qrafikasında olduğu qeyd edilib. Məlumata əsasən, mövcud fondun 4 faizini elmi nəşrlər, 8 faizini isə uşaq ədəbiyyatı təşkil edir.
